Letter to Your Friend Apologizing for Your Bad Behaviour in Odia Language : In this article you will get  ସାଙ୍ଗ ନିକଟକୁ କ୍ଷମା ମାଗି ପତ୍ର ଲେଖ ।...

Letter to Your Friend Apologizing for Your Bad Behaviour in Odia Language: In this article you will get ସାଙ୍ଗ ନିକଟକୁ କ୍ଷମା ମାଗି ପତ୍ର ଲେଖ । Sanga Nikataku Kshama Maggi Patra in Odia

Letter to Your Friend Apologizing for Your Bad Behaviour in Odia Language

କୌଣସି କାରଣରୁ ତୁମ ବ୍ୟବହାରରେ ଅସନ୍ତୁଷ୍ଟ ହୋଇ ତୁମ ସାଙ୍ଗ ତୁମ ସାଥରେ ପତ୍ରାଳାପ ବନ୍ଦ କରି ଦେଇଥିବାରୁ କ୍ଷମା ମାଗି ପତ୍ର ଲେଖ ।

ଯାଜପୁର

ତା.........

ପ୍ରିୟ ସରୋଜ,

ମୋର ଶୁଭେଚ୍ଛା ନେବୁ । ଘରେ ମଉସା ମାଉସୀଙ୍କୁ ମୋର ନମସ୍କାର । ଜଣାଇଦେବୁ । ମୋ’ ପ୍ରଦତ୍ତ ଚିଠିଟି ଦୟାକରି ପଢ଼ିବୁ ବୋଲି ଆଶା ରଖି ଚିଠି ଦେଉଛି ।

ପ୍ରଥମେ ମୋର ଅନିଚ୍ଛାକୃତ ଭୁଲ ପାଇଁ କ୍ଷମା ମାଗୁଛି । ସେଦିନ ତା’ ଭଉଣୀ ବାହାଘରକୁ ଯାଇପାରିଲି ନାହିଁ । ମୋ’ ବାପା ବୋଉ ମଧ୍ୟ ତା’ ଭଉଣୀ ବାହାଘରରେ ଯୋଗ ଦେଇ ପାରିଲେ ନାହିଁ । ସବୁ ଦୋଷ ମୋର । ତୁ ଭାବିଲୁ ଆମେ ଜାଣିଶୁଣି ଗଲୁନି, ବନ୍ଧୁ କାଟି ଦେଲୁ । ଆଗରୁ ଆମର ଚିଠି ଦିଆନିଆ ଚାଲୁଥିଲା । ତାଆରି ଭିତରେ ମୁଁ ତୋର ମୁହଁ ଦେଖି ପାରୁଥିଲି । ତୋର ଆନ୍ତରିକ ଶୁଭେଚ୍ଛା ଗ୍ରହଣ କରୁଥିଲି । ଏବେ ରାଗରେ ତୁ ଚିଠି ଦିଆନିଆ ବନ୍ଦ କରିଦେଲୁ । ମୁଁ ଜାଣିଛି ସରୋଜ, ତୋ’ ଭଉଣୀ ମାତ୍ର ଗୋଟିଏ, ତା’ର ବାହାଘର ଉତ୍ସବ ଆଉ ଆସିବ ନାହିଁ । ମୋର ସେ ସମୟର ଅସୁବିଧା କଥା ଟିକିଏ ଶୁଣ ସାଙ୍ଗ । ଆରେ ତୁ ଜାଣିଚୁ ମୁଁ ଚାର୍ଟ ଖାଇବାକୁ ଭଲପାଏ । ବାପାଙ୍କର ବାରମ୍ବାର ତାଗିଦ୍ ଫଳରେ ଆଉ ଚାଟ ଖାଉନଥିଲି । ତୋ’ ନାନୀର ବାହାଘର ଦୁଇଦିନ ପୂର୍ବରୁ ମୁଁ ଠାକୁର ଅଲାର ନାଥଙ୍କୁ ଦର୍ଶନ କରିବାକୁ ବ୍ରହ୍ମଗିରି ଯାଇଥିଲି । ମନ୍ଦିର ଦର୍ଶନ ସାରି ଫେରିଲା ବେଳକୁ ବାଟରେ ଚାର୍ଟ ଦୋକାନରୁ ଚାର୍ଟ କିଣି ଖାଇଦେଲି । ତା’ ସାଥିରେ ପୁଣି ଲୋଭରେ ଗୁପଚୁପ କିଣି ଖାଇଦେଲି । କିନ୍ତୁ ମୋର ଜାଣିବା କଥା ତା’ପରଦିନ ଆମକୁ ତୁମ ଘରକୁ ଯିବାକୁଥିଲା । ଦେହ ପା’ ଭଲ ରଖିବା କଥା । ଶୁଣ ସାଙ୍ଗ, ରାତିରେ ତ ମୋର ପ୍ରବଳ ଝାଡ଼ା ବାନ୍ତି ହେଲା । ଡାକ୍ତରଖାନା ଯିବାକୁ । ପଡ଼ିଲା । ସକାଳୁ ସକାଳୁ ଘରକୁ ଫେରିଲୁ । ଆମ ବାପାଙ୍କ ରାଗ ତ ଜାଣିଛ ? ବୋଉ ଯେତେ ବୁଝେଇଲା, ସରୋଜ ଖରାପ ଭାବିବ ତାଙ୍କ ଘରକୁ ଯାଅ । ସେ ମୋ’ ଉପରେ ଏତେ ରାଗିଯାଇଥିଲେ ଯେ, ଆଉ ମୋଟେ ଶୁଣିଲେ ନାହିଁ । ମୁଁ ସେହିଦିନଠାରୁ ବାପାଙ୍କ ପାଦଛୁଇଁ ଶପଥ କରିଛି ଆଉ ଚାର୍ଟ, ଗୁପଚୁପ ଖାଇବି । ନାହିଁ । ପ୍ରକୃତ ସତ୍ୟ କଥା ଲେଖିଲି । ମୋତେ କ୍ଷମା ନିଶ୍ଚୟ ଦେବୁ ବୋଲି ଆଶା କରୁଛି । ପତ୍ର ପାଇ ନିଶ୍ଚୟ ପତ୍ର ଦେବୁ ।

ଇତି

ତୋର ଅନ୍ତରଙ୍ଗ ବନ୍ଧୁ

ସୁରେଶ ।

ଠିକଣା ଡାକ ଚିକେଟ୍

ପ୍ରେରକ: ପ୍ରାପ୍ରେସୁ :

ସୁରେଶ ଚନ୍ଦ୍ର ପାଇକରାୟ ସରୋଜ କୁମାର ହାତୀ

ଗ୍ରା: ମଙ୍ଗଳପୁର ମାର୍ଫତ୍ : ରବୀନ୍ଦ୍ର କୁମାର ହାତୀ

ପୋ: ମଙ୍ଗଳପୁର ଗ୍ରା: ନାଲିବର

ଜି: ଯାଜପୁର ପୋ: ନାଲିବର

ପିନ୍କୋଡ୍: ଜି: ଜଗତ୍‌ସିଂହପୁର

ପିନ୍କୋଡ୍: