Letter to Your Brother Living in Another City in Odia Language : In this article you will get  ଦୂରରେ ଚାକିରି କରି ରହୁଥିବା ତୁମ ବଡ଼ଭାଇକ ନିକଟକୁ ତ...

Letter to Your Brother Living in Another City in Odia Language: In this article you will get ଦୂରରେ ଚାକିରି କରି ରହୁଥିବା ତୁମ ବଡ଼ଭାଇକ ନିକଟକୁ ତୁମ ଘରର ଅସୁବିଧା ବିଷୟରେ ବର୍ଣ୍ଣନା କରି ପତ୍ର ଲେଖ । budbhai Nikataku Patra in Odia

Letter to Your Brother Living in Another City in Odia Language

ଦୂରରେ ଚାକିରି କରି ରହୁଥିବା ତୁମ ବଡ଼ଭାଇକ ନିକଟକୁ ତୁମ ଘରର ଅସୁବିଧା ବିଷୟରେ ବର୍ଣ୍ଣନା କରି ପତ୍ର ଲେଖ ।

ଅତାସାହି

ତା.........

ପୂଜାସ୍ପଦ ଭାଇ,

ମୋର ଭୂମିଷ୍ଠ ପ୍ରଣାମ ନେବ । ଭାଉଜଙ୍କୁ ମୋର ଭକ୍ତିପୂତ ନମସ୍କାର ଜଣାଇବ । କୁମୁନକୁ ମୋର ସ୍ନେହାଶୀର୍ବାଦ । ତୁମଠାରୁ ପତ୍ର ଖଣ୍ଡିଏ ନପାଇ ବାପା, ବୋଉ ବିଚଳିତ ହୋଇପଡ଼ିଛନ୍ତି । ଫୋନ୍ ମଧ୍ୟ କରୁନ ।

ଭାଇ ! ତୁମେ କେତେ ଦିନ ହେଲା ଆମ ସହିତ କଥା ହୋଇନ କି ପତ୍ରଖଣ୍ଡିଏ ମଧ୍ୟ ଦେଇନାହିଁ । ବାପାଙ୍କର ଦେହ ଭଲ ନାହିଁ । ଏ ବର୍ଷ ଘର ଛପର ହୋଇ ନାହିଁ । ପୁରୁଣା ଘର, ଦମ୍ଭ କମିଗଲାଣି । ଖରାବର୍ଷା ଶୀତକାକର କେତେ ସହିବ ! ବଡ଼ନାନୀର କେଉଁ ଆଡୁ ବାହାଘର ଜୁଟୁନାହିଁ । ସେ +୨ ପାଶ୍ କରି ଘରେ ବସିଲାଣି । ଏବେ ଦୁଇ ତିନୋଟି ପିଲାଙ୍କୁ ସେ ଟ୍ୟୁସନ କରୁଛି । ଭାଇ ! ଆମ ବଉଳୀ ଗତ କାଲି ଗୋଟେ ମାଈ ବାଛୁରୀ ଜନ୍ମ ଦେଇଛି । ତୁମେ ଏଠାରେ ଥିଲାବେଳେ କେତେ ଯନ୍ ତାର ନେଉଥିଲ ? ସେ ବର୍ଷେ ହେଲା ତୁମକୁ ନଦେଖି ଅସ୍ଥିର ହେଉଛି । ସେ ଯେମିତି କାହାକୁ ଦେଖୁବାକୁ ଚାହିଁ ରହିଛି । ବୋଉ କଥା ତ ଜାଣିଛ ? ଅଭିମାନୀଟିଏ ! ଯେତେ କହିଲେ ବୁଝୁନି । ଖାଲି କହୁଛି, ମୋ ପୁଅ ! ମୋ ପୁଅ । ଭାଇ ! ତିନି ଦିନ କାଳ ଲଗାତାର ବର୍ଷା ହୋଇ ଆମ ଧାନ ବିଲରେ ପାଚିଲା ଧାନରେ ମଇ ଦିଆହୋଇଛି । ସବୁ ଧାନ ପାଣିରେ ସଢ଼ି ଗଜା ଉଠିଲାଣି । ଖଣ୍ଡିଏ ପାନ ବରଜ ତାହା ଭାଙ୍ଗିରୁଜି ଗଲାଣି । ଆମେ ତିନି ଭଉଣୀ ଆଉ କ’ଣ ବା ବାପା ବୋଉଙ୍କୁ ସାହାଯ୍ୟ କରିପାରିବୁ । ମୁଁ ବର୍ତ୍ତମାନ ଯୁକ୍ତ ଦୁଇ ପ୍ରଥମ ବର୍ଷରେ ପଢୁଛି । ଆରବର୍ଷକୁ ଶେଷ ବର୍ଷର ପରୀକ୍ଷା ଦେବି । ମୁଁ ପାଠ ପଢ଼ାରେ ମନ ଦେଇଛି । ବାର୍ଷିକ ପରୀକ୍ଷାରେ ଶ୍ରେଣୀରେ ନିଶ୍ଚୟ ପ୍ରଥମସ୍ଥାନ ଅଧୁକାର କରିବି। ଭାଇ, ବୋଉର ନିତିପିନ୍ଧା ଦୁଇଖଣ୍ଡ ଲୁଗା ଛାଡ଼ିଦେଲେ ଯିବା ଆସିବା ପାଇଁ ଶାଢ଼ୀ ଖଣ୍ଡେ ନାହିଁ । ବାପାଙ୍କ କଥା ଛାଡ଼, ଦୁଇଖଣ୍ଡ ଧୋତି ଓ ତିନି ଖଣ୍ଡ ଗାମୁଛା ତାଙ୍କର ସର୍ବସ୍ବ । କହିଲ ଭାଇ ! ଧାନ, ପାନ ସବୁ ଗଲା । ଆମେ କେମିତି ଏବର୍ଷ ଚଳିବୁ ? ଡାକରେ ମନିଅର୍ଡର କରି ଯାହା ଟଙ୍କା ପଠେଇଥିଲ ତାହା କେଉଁଦିନରୁ ସରିଗଲାଣି ।

କୁନ୍ମୁନ୍ର ଗୁଲୁଗୁଲିଆ ମୁହଁ, କିରିକିରି ହସ ମୋର ସବୁବେଳେ ମନେ ପଡୁଛି । ଅତିଶୀଘ୍ର ଭାଉଜ ଓ କୁନମୁନ୍‌କୁ ନେଇ ଆସିବ । ଏଠାରେ ଆମେ ସମସ୍ତେ ତୁମ ଅପେକ୍ଷାରେ ରହିଛି ।

ଇତି

ତୁମର ସ୍ନେହାଧୀନ

ଠିକଣା ଡାକ ଚିକେଟ୍

ପ୍ରେରକ: ପ୍ରାପକ:

ସୁମନ ସାମନ୍ତରାୟ କଳ୍ପତରୁ ସାମନ୍ତରାୟ

ଗ୍ରା: ଅତାସାହି ରବୀନ୍ଦ୍ର ସରଣୀ

ପୋ: କୁଶଳେଶ୍ଵର ସିଆଳଦା,କୋଲକାତା

ଜି: କେନ୍ଦୁଝର ଜି. ଚବିଶି ପ୍ରଗଣା

ପିନ୍କୋଡ୍ ​: ପଶ୍ଚିମବଙ୍ଗ

ପିନ୍କୋଡ୍ :