Letter to Mother Asking About Her Health in Odia Language : In this article you will get  ମାଆକ ଶରୀର ଅସୁସ୍ଟ ଥୁବାର ଚିଠିରୁ ଜାଣିପାରି ତାଙ୍କର ଆରୋଗ...

Letter to Mother Asking About Her Health in Odia Language: In this article you will get ମାଆକ ଶରୀର ଅସୁସ୍ଟ ଥୁବାର ଚିଠିରୁ ଜାଣିପାରି ତାଙ୍କର ଆରୋଗ୍ୟ କାମନା କରି ତାଙ୍କ ନିକଟକୁ ପତ୍ର ଲେଖ । Maa nikataku patra likhana in odia

Letter to Mother Asking About Her Health in Odia

ତୁମେ ଦୂର ଛାତ୍ରାବାସରେ ରହୁଛି; ମାଆକ ଶରୀର ଅସୁସ୍ଟ ଥୁବାର ଚିଠିରୁ ଜାଣିପାରି ତାଙ୍କର ଆରୋଗ୍ୟ କାମନା କରି ତାଙ୍କ ନିକଟକୁ ପତ୍ର ଲେଖ ।

ସରକାରୀ ବାଳିକା ଉଚ୍ଚ ବିଦ୍ୟାଳୟ

ସମ୍ବଲପୁର

ତା......

ପୂଜନୀୟା ବୋଉ,

ସୁଦୁର ସମ୍ବଲପୁରରୁ ମୋର ଭୂମିଷ୍ଠ ପ୍ରଣିପାତ ଗ୍ରହଣ କରିବୁ । ବାପାଙ୍କୁ ମୋର ଭୂମିଷ୍ଠ ପ୍ରଣାମ ଜଣାଇ ଦେବୁ । କୁନା ଓ କୁମୁଙ୍କୁ ମୋର ଆନ୍ତରିକ ଶୁଭେଚ୍ଛା ।

ବୋଉ ଲୋ ! ମୁଁ ତୋ’ ଉପରେ ଅଭିମାନ କରିଛି । ମୁଁ କାଳେ ଦୁଃଖରେ ଭାଙ୍ଗି ପଡ଼ିବି ବୋଲି ତୋ’ ଦେହ ଏତେ ଖରାପ ଥିଲେ ବି ତୁ ମୋତେ ଜଣାଇଲୁ ନାହିଁ । ଆମ ପଡ଼ୋଶୀ ସାଙ୍ଗ ବାବୁଲା ମୋ' ପାଖକୁ ପତ୍ରଲେଖି ଜଣାଇଲା । ତୋର କାଶ ଭଲ ହେଉନି । ରକ୍ତ ପରୀକ୍ଷାରୁ ଯକ୍ଷ୍ମା ରୋଗ ନାହିଁ ବୋଲି ଡାକ୍ତର କହୁଛନ୍ତି । ତୁ ଭାରି ଦୁର୍ବଳ ହୋଇଗଲୁଣି । (ବାପା ବାବୁଲା ବାପାଙ୍କୁ ତୋ’ ଅସୁସୂତା ବିଷୟ କହୁଥିଲେ ।) ମାସେ ରୁ ଅଧୁକ ସମୟ ହେଲାଣି ତୁ କାଶରେ ଆକ୍ରାନ୍ତ ହେଲୁଣି । ଜର ଲାଗିରହୁଛି । ତୁ ଆମ ବାଡ଼ିପଟ ଗାଡ଼ିଆରେ ଗାଧୋଇବୁନି, ବରଂ ଗାଁ ମୁଣ୍ଡ ପୋଖରୀକୁ ଯାଇ ଗାଧୋଇବୁ । ପରିଷ୍କାର ପୋଖରୀ, ଦଳ ନାହିଁ । ତୋତେ କ’ଣ ମୁଁ ବତେଇବି ? ତୁ ତ ମୋତେ ଉପଦେଶ ଦେଉ; ନିଜ ଶରୀରକୁ ନିଜେ ଜଗିବା ପାଇଁ । ତା'ଛଡ଼ା ଦିନ ରାତି ଘର ପାଇଁ ପିଲାମାନଙ୍କ ଏମିତିକି ଆମ ଗାଁ ଲୋକଙ୍କ ପାଇଁ ତୋ ପରିଶ୍ରମର ସୀମା ନଥାଏ । ଭଲକରି ଦୁଇ ବେଳା ଦୁଇ ମୁଠା ଖାଇବା ତୁ ଶିଖିନୁ । ହଁ ଘର ଅବସ୍ଥା ତ ଆହୁରି ଅସମ୍ଭାଳ । ଆସିବ କୁଆଡୁ ? ମୁଁ ବି ମା’ ସମଲେଇଙ୍କ ପାଖରେ ଠିଆ ହୋଇ କେତେ କାନ୍ଦିଛି । ଦୀପ ବସେଇ ତୋର ଆରୋଗ୍ୟ କାମନା କରିଛି । ମା’ ଭାରି ପ୍ରତ୍ୟକ୍ଷ । ସେ ତୋ’ ଶରୀର ନିଶ୍ଚୟ ସୁସ୍ତ କରିଦେବେ । ଔଷଧ ନିୟମିତ ଖାଉଥିବୁ । ଥଣ୍ଡାକୁ ଜଗିବୁ । ଏଣିକି ତୋର ପରିଶ୍ରମ ଟିକିଏ କମେଇଦେ, ବୋଉ ! ରହିଲି । ପରୀକ୍ଷା ମୁଣ୍ଡ ଉପରେ । ପରୀକ୍ଷା ସରିଲେ ମୁଁ ଘରକୁ ଯିବି ।

ଇତି

ତୋର ସ୍ନେହାଧୀନା

ମମତା

ଠିକଣା

ଡାକ ଚିକେଟ୍

ପ୍ରେରକ: ପ୍ରାପକ:

ସୁଶ୍ରୀ ମମତାମୟୀ ସାମନ୍ତରାୟ ଶ୍ରୀମତୀ ସ୍ଵର୍ଣମୟୀ ସାମନ୍ତରାୟ

ସ୍ଥାନ: ସରକାରୀ ବାଳିକା ମାତ୍ର – ସତ୍ୟପ୍ରିୟ ସାମନ୍ତରାୟ

ଉଚ୍ଚ ବିଦ୍ୟାଳୟ,ଛାତ୍ରୀନିବାସ ଗ୍ରାମ: ଜୁଜୁମୁରା

ଜିଲ୍ଲା:ସମ୍ବଲପୁର ପୋଷ୍ଟ : ଜୁଜୁମୁରା

ପିନ୍କୋଡ୍ : ଜି : ସମ୍ବଲପୁର

ପିନ୍କୋଡ୍ : ପିନ୍କୋଡ୍ :