Essay on Maro Priya Tahevar Holi in Gujarati : In this article " મારો પ્રિય તહેવાર હોળી વિશે નિબંધ ", " My Favourite Festival...

Essay on Maro Priya Tahevar Holi in Gujarati: In this article "મારો પ્રિય તહેવાર હોળી વિશે નિબંધ", "My Favourite Festival Holi Nibandh / Essay in Gujarati"for students of class 5, 6, 7, 8, 9, and 10.

Gujarati Essay on "Maro Priya Tahevar Holi", "મારો પ્રિય તહેવાર હોળી નિબંધ" for Students

પ્રસ્તાવના: હિન્દુઓના ચાર મુખ્ય તહેવાર છે- હોળી, દીપાવલી (દિવાળી), દશેરા અને રક્ષાબંધન. આ તહેવારોમાં હોળી વિશેષ ધૂમધામથી ઉજવવામાં આવે છે. આ તહેવાર ફાગણ મહિનાની પૂર્ણિમાએ મનાવવામાં આવે છે. આ સમયે વાતાવરણ ખૂબ સોહામણું હોય છે. આવા મનોરમ વાતાવરણમાં બધા લોકો અનોખી ઉમંગ અને મસ્તીથી આ તહેવારને મનાવે છે. વસંત ઋતુ આવી ગઈ હોય છે. ખેતરોમાં અનાજ પાકવાનો સમય થાય છે તેથી બધા વ્યક્તિ અત્યધિક પ્રસન્ન નજરે પડે છે.

ઉજવવાનું કારણ: કહે છે કે, પ્રફ્લાદ ભગવાનના અનન્ય ભક્ત હતા. એમના પિતાનું નામ હિરણ્યકશ્યપ હતું. તે ઈશ્વરને માનતા ન હતા. તે પ્રફ્લાદને ઈશ્વરનું નામ લેવાથી રોકતા હતા. પરંતુ પ્રફ્લાદ ઈશ્વરનું નામ લેવાથી ના રોકાયા. આ કારણે હિરણ્યકશ્યપે પ્રફ્લાદને અનેક દંડ આપ્યા, પરંતુ ઈશ્વરની કૃપાથી પ્રફ્લાદનું કશું પણ ના બગડ્યું. હિરણ્યકશ્યપની બહેનનું નામ હોલિકા હતું. એને વરદાન પ્રાપ્ત હતું કે, અગ્નિ અને બાળી નથી શકતી. તે પોતાના ભાઈ હિરણ્યકશ્યપના આદેશ પર પ્રહલાદને પોતાના ખોળામાં લઈને અગ્નિમાં બેસી ગઈ. ભગવાનની કૃપાથી હોલિકા બળીને રાખ થઈ ગઈ, પરંતુ પ્રફ્લાદનો વાળ પણ વાંકો ના થયો. આ જોઈને બધા લોકો ખૂબ જ પ્રસન્ન થયા. ત્યારથી જ આ તહેવાર પ્રતિવર્ષ ઉજવવામાં આવે છે.

ઉજવવાની રીત: આ તહેવારથી કેટલાય દિવસો પહેલાથી બાળકો એકબીજા પર રંગ નાખતા રહે છે. પૂર્ણિમાના દિવસે ખુલ્લા મેદાનમાં લાકડીઓનો ઢગલો લગાવવામાં આવે છે. સ્ત્રીઓ બપોરના સમયે એનું પૂજન કરે છે. રાત્રિએ એક નિશ્ચિત સમય પર એમાં આગ લગાવી દેવામાં આવે છે. બધા વ્યક્તિ આ અગ્નિમાં જવની ડાળીઓ શકે છે તથા એક-બીજાથી પ્રેમપૂર્વક ગળે મળે છે.

બીજા દિવસે વહેલી સવારથી જ લોકો રંગ રમવાનું આરંભ કરી દે છે. આ અવસર પર બધા લોકો રંગ-બિરંગા નજરે પડે છે. જાત-જાતના રંગ તેમજ ગુલાલ એક-બીજાને લગાવે છે. લોકો ટોળીઓ બનાવીને નાચે છે અને ગાય છે. બપોર પછી બધા લોકો સ્નાન કરીને સ્વચ્છ વસ્ત્ર પહેરીને એક-બીજાથી મળવા માટે જાય છે. આ પ્રકારે આખો દિવસ હસી-ખુશીથી વ્યતીત થાય છે.

દોષ આજે કેટલાંક લોકોએ હોળીનું રૂપ બગાડી દીધું છે. કેટલાંક લોકો સુંદર કાચા રંગોના સ્થાન પર કાળી સ્યાહી, રોગન વગેરેનો પ્રયોગ કરે છે. કેટલાંકમૂર્ખવ્યક્તિ એકબીજા પર ગંદકી ફેકે છે. પ્રેમ અને આનંદના તહેવારને નફરત અને દુશ્મનીનો તહેવાર બનાવી દેવામાં આવે છે. આ દોષોને સમાપ્ત કરવાનો પ્રયત્ન કરવામાં આવવો જોઈએ. કેટલાંક લોકો દારૂ પીને નાચે છે. કેટલાંક લોકો એક-બીજાના કપડાં ફાડી નાંખે છે. આ પ્રકારની બુરાઈઓનો સમાવેશ આ તહેવારમાં ના થવો જોઈએ.

ઉપસંહાર: હકીકતમાં હોળીનો તહેવાર ખૂબ પ્રસન્નતા, ઉમંગ તેમજ ઉલ્લાસનો તહેવાર છે. આ તહેવાર મનુષ્યોના પ્રેમ તેમજ પાવનતાનું પ્રતીક છે. એના અંતર્ગત આવવાવાળી બુરાઈઓને છોડીને આપણે બધાએ સારી રીતથી હોળીનો તહેવાર મનાવવો જોઈએ.