പഴഞ്ചൊല്ലുകൾ മലയാളത്തിൽ Proverbs in Malayalam Language

Proverbs in Malayalam Language: In this article, we are providing പഴഞ്ചൊല്ലുകൾ മലയാളത്തിൽ Malayalam Grammar പഴഞ്ചൊല്ല് മലയാള വ്യാകരണം proverbial phrases in Malayalam Language

Proverbs in Malayalam Language : In this article, we are providing പഴഞ്ചൊല്ലുകൾ മലയാളത്തിൽ Malayalam Grammar പഴഞ്ചൊല്ല്മ ലയാള വ്യാകരണം proverbial phrases in Malayalam  Language

പഴഞ്ചൊല്ലുകൾ മലയാളത്തിൽ Proverbs in Malayalam Language

പഴഞ്ചൊല്ലുകൾ മലയാളത്തിൽ

1) “അങ്ങാടിയിൽ തോറ്റതിന് അമ്മയോട്”.  മറ്റുള്ളവരോടുള്ള ദേഷ്യം സ്വന്തക്കാരോട് തീർക്കുക.

2) “അമ്മാവൻ ആനപ്പുറത്തുകയറിയാൽ  മരുമകന് തഴമ്പുണ്ടാകുമോ".  സ്വയം യോഗ്യതനേടാതെ മറ്റുള്ളവരുടെ മഹത്വം പറയുന്നതിലർത്ഥ മില്ല.

3) "അടയ്ക്കയായാൽ മടിയിൽ വയ്ക്കാം . അടയ്ക്കാമരമായാലോ"?  കുട്ടികളെ നിയന്ത്രിക്കാം. മുതിർന്നാലാവില്ല.

4) “അടിതെറ്റിയാൽ ആനയും വീഴും”.  എത്രവലിയവനും ചുവടുപിഴച്ചാൽ താഴെവീഴും.

5) “അണ്ടിയോടടുത്താലേ മാങ്ങയുടെ പുളിയറിയൂ". അടുത്തറിഞ്ഞാലേ ചിലരുടെ തനിനിറം മനസ്സിലാകൂ.  യാഥാർത്ഥ്യത്തോട് അടുക്കുമ്പോഴേ കാര്യത്തിന്റെ ഗൗരവം മനസ്സി ലാകൂ.

6) “അധികമായാൽ അമൃതും വിഷം”. നല്ല സാധനമായാലും കൂടിയാൽ ചീത്തയാകും.

7) “അമ്മയ്ക്കപ്രാണവേദന മകൾക്കുവീണവായന".  ദുഃഖിക്കുന്നവരെ സമാധാനിപ്പിക്കാതെ സുഖിച്ചു കഴിയുക.

8) “അരമനരഹസ്യം അങ്ങാടിപ്പാട്ട്".  രഹസ്യം പരസ്യമാകുന്നത്. മറച്ചുവച്ചത് പരസ്യമാകുന്നു.

9) “അരിയെത പയറഞ്ഞാഴി".  ചോദിച്ചതിനു പകരം വേറെ ഉത്തരം നൽകുന്നത്.

10) “അഴകുള്ള ചക്കയിൽ ചുളയില്ല”.  പുറംമോടിയിൽ കാര്യമില്ല.

11) “അകലത്തെ ബന്ധുവിനേക്കാൾ ഭേദം അരികത്തെ ശ്രതു”.  അപകടമുണ്ടാകുമ്പോൾ അടുത്ത ശത്രുവായിരിക്കും ഉപകാരി.

12) “അച്ചിക്കു കൊഞ്ചു പക്ഷം നായർക്കിഞ്ചി പക്ഷം". പരസ്പരം പൊരുത്തപ്പെടാത്തവർ.

13) “അടിയിരിക്കുന്നിടത്ത്  ചെകിടുകാണിക്കരുത്”.  സ്വയം ആപത്തിൽ ചാടരുത്.

14) “അടുക്കളരഹസ്യം അടക്കിവയ്ക്കണം”.  വീട്ടുകാര്യങ്ങളന്യരെ അറിയിക്കരുത്.

15) “അണ്ണാൻകുഞ്ഞും തന്നാലായത്”.  എളിയവർക്കും സേവനം ചെയ്യാൻ സാധിക്കും. (തന്നാലാവുതു ചെയ്തു.

16) “അണ്ണാൻ മൂത്താലും മരം കയറ്റം മറക്കുമോ”.  പ്രായമായാലും സ്വഭാവം മാറുകയില്ല. (ശീലം മറക്കില്ല)

17) “അങ്കോം കാണാം താളീമൊടിക്കാം”.  ഒരുമിച്ച് രണ്ടുകാര്യങ്ങൾ നേടാം. (ഒരേ ചെലവിൽ കൂടുതൽ കാര്യ ങ്ങൾ സാധിക്കുക

18) “അപ്പം തിന്നാൽ മതി കുഴി എണ്ണണ്ട”.  കാര്യം സാധിച്ചാൽപ്പിന്നെ എങ്ങനെയെന്നറിയണ്ട.

19) “അരിമണിയൊന്നു കൊറിക്കാനില്ല. കരിവളയിട്ടു കിലുക്കാൻ മോഹം”.  ദാരിദ്ര്യമാണെങ്കിലും ആഡംബരത്തിനു കുറവൊന്നുമില്ല.

20) “അളമുട്ടിയാൽ ചേരയും കടിക്കും”. സഹികെട്ടാൽ എളിയവനുമേറ്റുമുട്ടും.

21) “ആനകൊടുത്താലും ആശകൊടുക്കരുത്”. വെറുതെ ആശിപ്പിക്കരുത്.

22) “ആന വാ പൊളിക്കും പോലെ അണ്ണാൻ വാ പൊളിച്ചാലോ”. വലിയവരെപ്പോലാകാൻ ചെറിയവർ ശ്രമിക്കരുത്. (അവനവന്റെ ശേഷി അറിഞ്ഞ് പ്രവർത്തിക്കണം)

23) “ആറ്റിൽ കളഞ്ഞാലും അളന്നു കളയണം”. ഏതുകാര്യത്തിനായാലും കണക്കുവേണം.

24) "ആശാനക്ഷരമൊന്നു പിഴച്ചാൽ  അമ്പത്തൊന്നു പിഴക്കും ശിഷ്യന്". ഗുരുവിന്റെ ചെറിയ തെറ്റ് ശിഷ്യന് വലിയ തെറ്റുവരുത്തും.

25) "ആറിയ കഞ്ഞി പഴങ്കഞ്ഞി".  പഴകിയാലേതു കാര്യവും മോശമാകും. (ചെയ്യേണ്ടത് ചെയ്യേണ്ട പ്പോൾ ചെയ്യുക)

26) "ആലിൻകായ് പഴുത്തപ്പോൾ കാക്കയ്ക്ക് വായിൽ പുണ്ണ്"  ആഗ്രഹിച്ചത് കിട്ടുമ്പോൾ കഴിക്കാൻ പറ്റാതാവുക. (അവസരം പാഴാ ക്കുക)

27) "ആടറിയുമോ അങ്ങാടിവാണിഭം"  മണ്ടന്മാർക്ക് വിവരം കാണുകയില്ല.

28) "ആനമെലിഞ്ഞാൽ തൊഴുത്തിൽ കെട്ടുമോ" സമ്പത്തുകുറഞ്ഞാലും അഭിമാനം കളയില്ല.

29) "ആർക്കാനും വേണ്ടി ഓക്കാനിക്കുക" താത്പര്യമില്ലാതെ എന്തെങ്കിലും ചെയ്യുക.

30) "ആരാന്റമ്മയ്ക്കു ഭ്രാന്തു പിടിച്ചാൽ  കാണാൻ നല്ല രസം." മറ്റുള്ളവർക്ക് ആപത്തുവരുമ്പോൾ കണ്ടുരസിക്കുന്നത്.

31) "ഇരയിട്ട് മീൻപിടിക്കുക".  കുറച്ചുചെലവാക്കി വലിയലാഭംനേടുക.

32) "ഇരിക്കും മുൻപേ കാൽനീട്ടരുത്"  ക്ഷമയോടുകൂടി കാര്യങ്ങൾ ചെയ്യണം.

33) "ഇലമുള്ളിൽ വീണാലും  മുള്ള് ഇലയിൽ വീണാലും  ഇലയ്ക്കു കേട്" ശക്തിയില്ലാത്തവന് എന്നും നാശംതന്നെ.

34) ഇക്കരെനിന്നാലക്കരപ്പച്ച ഒരിടത്തുനിൽക്കുമ്പോൾ മറ്റൊരിടത്ത് കൂടുതൽ മെച്ചമെന്നു തോന്നുക.

35) ഇഷ്ടമില്ലാത്തച്ചി തൊട്ടതൊക്കെ കുറ്റം താത്പര്യമില്ലാത്തയാൾ ചെയ്യുന്നതിനൊക്കെ കുറ്റം പറയുക.

36) ഇരിക്കുന്നകൊമ്പ് മുറിക്കരുത്  സഹായം ചെയ്യുന്നത് ഇല്ലാതാക്കരുത്.

37) ഉണ്ടചോറിൽ കല്ലിടരുത് ഉപകാരം ചെയ്യുന്നവരോട് ഉപദ്രവം കാട്ടരുത്.

38) ഉണ്ണിയെക്കണ്ടാലറിയാം  ഊരിലെ പഞ്ഞം  ആളെക്കാണുമ്പോൾത്തന്നെ സ്വഭാവമറിയാം.

39) ഉപ്പുതിന്നുന്നവൻ വെള്ളം കുടിക്കും  തെറ്റ് ചെയ്യുന്നവർ ശിക്ഷ അനുഭവിക്കും.

40) ഉള്ളതുകൊണ്ടോണം പോലെ  കുറച്ചേയുള്ളങ്കിലും സന്തോഷത്തോടെ കഴിയുക.

41) ഉർവ്വശീ ശാപം ഉപകാരം മോശം കാര്യം നല്ലതായി വരുക.

42) ഉണ്ടവനറിയുന്നില്ലെങ്കിൽ വിളമ്പുന്നവനറിയണം  യഥാർത്ഥസ്ഥിതിയനുസരിച്ച് പ്രവർത്തിക്കണം.

43 ) ഉത്തരംമുട്ടുമ്പോൾ കൊഞ്ഞനം കുത്തും തോൽക്കുമ്പോൾ തർക്കിക്കുക.

44) ഉരലുചെന്ന് മദ്ദളത്തോട് സങ്കടം പറയുക ഒരാളുടെ ദുഃഖം ദുഃഖിക്കുന്ന മറ്റൊരാളോട് പറയുക. ചെറിയ കഷ്ണങ്ങളുള്ളവൻ വലിയ കഷ്ടമനുഭവിക്കുന്നവനോടു പ്രാരാബ്ധങ്ങൾ പറയുക.

45) ഉത്തരത്തിലിരിക്കുന്നതെടുക്കുകയും വേണം കക്ഷത്തിലിരിക്കുന്നത് പോകുകയുമരുത് നഷ്ടം കൂടാതെ ലാഭംനേടണമെന്ന ചിന്ത.

46) എലിക്ക് പ്രാണവേദന പൂച്ചയ്ക്കു വിളയാട്ടം  ഒരാൾദുഃഖിക്കുമ്പോൾ മറ്റൊരാൾ സന്തോഷിക്കുക. മറ്റൊരാളുടെ കഷ്ടസ്ഥിതി കണക്കിലെടുക്കാതെ സ്വന്തം സുഖത്തിൽ മുഴുകുക.

47) എല്ലുമുറിയെ പണിതാൽ  പല്ലുമുറിയെ തിന്നാം  നല്ലപോലെ അധ്വാനിച്ചാൽ സുഖമായി ജീവിക്കാം.

48) എഴുതാപ്പുറം വായിക്കരുത് ഇല്ലാത്തതുണ്ടെന്നു നടിക്കരുത്. (അനാവശ്യമായ കാര്യങ്ങൾ പരിഗണിക്കരുത്.

49) എലിയെത്തോൽപ്പിക്കാനില്ലം ചുട്ടു  ബുദ്ധിയില്ലാതെ പ്രവർത്തിച്ച് നാശം വരുത്തുക.

50) ഏട്ടിലെ പശു പുല്ലുതിന്നില്ല  എഴുത്തിലല്ല പ്രവൃത്തിയിലാണു കാര്യം.

51) ഏച്ചുകെട്ടിയാൽ മുഴച്ചിരിക്കും.  ചേരാത്തതു തമ്മിൽ ചേരില്ല.

52) ഐകമത്യം മഹാബലം യോജിച്ചു ശ്രമിച്ചാൽ വൻ നേട്ടമുണ്ടാക്കാം.

53) ഒന്നു പിഴച്ചാൽ മൂന്ന് തുടരെയുള്ള തോൽവി.

54) ഒന്നുചത്തു മറ്റൊന്നിനു വളം ഒരാൾക്കുശേഷം മറ്റൊരാളിന്റെ ഉയർച്ച.

55) ഒരു കുന്നിന് ഒരു കുഴി സുഖദുഃഖങ്ങൾ മാറി വരുക.

56) ഒന്നേ ഉള്ളങ്കിലും ഉലക്കകൊണ്ടടിക്കണം മക്കളെ ലാളിച്ചു ചീത്തയാക്കരുത്.

57) ഒരുമയുണ്ടെങ്കിൽ ഉലക്കമേലും കഴിയാം.  യോജിപ്പുണ്ടെങ്കിൽ ഒരുമിച്ച് കഴിയാം.

58) ഒരു വെടിക്ക് രണ്ട് പക്ഷി ഒരു പ്രവൃത്തികൊണ്ട് പല ലാഭം.

59) ഒത്തുപിടിച്ചാൽ മലയും പോരും ഒരുമിച്ചാൽ വൻശക്തിയാകാം.

60) ഒരു പന്തിയിൽ രണ്ടു വിളമ്പ് രണ്ട്  വിധത്തിലുള്ള പെരുമാറ്റം (പക്ഷഭേദം കാട്ടുക).

61) ഒരു ചെവിയിൽക്കൂടി കേട്ടത് മറ്റേ ചെവിയിൽക്കുടി റങ്ങിപ്പോയി   ൾക്കുന്നകാര്യം ഗ്രഹിക്കാതിരിക്കുക.

62) ഒരു വേലയ്ക്കിരുവേല  കൃത്യമായി ചെയ്യാതെ കുടിശ്ശികയാകുക.

63) ഒഴുക്കുവെള്ളത്തിലഴുക്കില്ല അലസമായ മനസ്സിൽ മാലിന്യമുണ്ടാകും.

64) ഓണം വന്നാലും ഉണ്ണി പിറന്നാലും  കോരന് കുമ്പിളിൽ കഞ്ഞി  പാവപ്പെട്ടവനെന്നും പട്ടിണിതന്നെ.

65) ഓടുന്ന പട്ടിക്കൊരുമുഴം മുൻപേ എറിയണം.  ഓരോന്നിന്റെയും ഗതി അനുസരിച്ച് പ്രവർത്തിക്കണം. (മുൻകൂട്ടി പ്രവർത്തിക്കണം)

66) കടന്നൽക്കൂട്ടിൽ കല്ലെറിയരുത് ആപത്തു സ്വയം വരുത്തിവയ്ക്കരുത്ക

67) കണ്ടറിയാത്തവൻ കൊണ്ടറിയും കണ്ടുപഠിക്കാത്തവൻ അനുഭവത്തിലറിയും.

68) കണ്ണിൽ കൊള്ളാനുള്ളത് പുരികത്തായി ആപത്തിൽനിന്ന് അപ്രതീക്ഷിതമായി രക്ഷപെടുക.

69) കക്കാൻപഠിച്ചാൽ നിൽക്കാൻ പഠിക്കണം. തെറ്റിൽനിന്നു രക്ഷപെടാനുള്ള മാർഗ്ഗം കണ്ടെത്തണം.

70) കടിക്കും പട്ടി കുരയ്ക്കില്ല  കൂടുതൽ പറയുന്നവൻ പ്രവർത്തിക്കില്ല.

71) കന്നിനെ കയം കാണിക്കരുത്  ആസക്തിയുള്ള കാര്യങ്ങളിൽ ആളുകളെ എത്തിക്കരുത്. (പ്രകൃതം കണ്ടറിഞ്ഞ് പെരുമാറണം)

72) കയ്ച്ചിട്ടിറക്കാനും വയ്യ മധുരിച്ചിട്ട് തുപ്പാനുംവയ്യ  ഉപേക്ഷിക്കാനും സ്വീകരിക്കാനും വയ്യാതാവുക.

73) കള്ളൻ കപ്പലിൽ തന്നെ  കൂടെനിൽക്കുന്നവൻ കള്ളനാവുക.

74) കരയുന്ന കുഞ്ഞിനേ പാലുള്ള  നിർബന്ധിച്ചെങ്കിലേ കാര്യം നേടാനാവൂ. (അവകാശങ്ങൾ ചോദിച്ചു വാങ്ങണം)

75) കാക്കയ്ക്കും തൻകുഞ്ഞ് പൊൻകുഞ്ഞ് സ്വന്തം കാര്യമെല്ലാവർക്കും പ്രധാനം.

76) കാണം വിറ്റും ഓണമുണ്ണണം നഷ്ടം വന്നാലും എല്ലാവരോടുമൊപ്പം സന്തോഷിക്കണം.

77) കാളപെറ്റെന്ന് കേട്ട് കയറെടുക്കുക  ആലോചിക്കാതെ പ്രവർത്തിക്കുക.

78) കാടിയായാലും മൂടിക്കുടിക്കണം ഇല്ലായ്മ മറ്റുള്ളവരെയറിയിക്കരുത്.

79) കാര്യം കാണാൻ കഴുതക്കാലും പിടിക്കണം കാര്യം സാധിക്കാൻ നിന്ദ്യന്മാരെയും ആശ്രയിക്കണം.

80) കിണറ്റിൽ മുങ്ങിയാൽ കുളത്തിൽ പൊങ്ങുക ഒരിടത്തുനിന്ന് മറഞ്ഞ് മറ്റൊരിടത്ത് പ്രത്യക്ഷപ്പെടുക. (പറഞ്ഞ വാക്കിനും പ്രവൃത്തിക്കും വിലയില്ലാത്തവരെപ്പറ്റി)

81) കുന്തം പോയാൽ കുടത്തിലും തപ്പണം. കാണാതെ പോയാലെല്ലായിടത്തും തിരയണം. (ഒന്നും നിസ്സാരമായി കണ്ട് തള്ളരുത്)

82) കുറുക്കന്റെ കണ്ണ് കോഴിക്കൂട്ടിൽ തൻകാര്യക്കാർ അവർക്കിഷ്ടമുള്ള കാര്യം മാത്രം നോക്കും. (ഏതു സാഹചര്യത്തിലും അഭിരുചികൾ കൈവിടാത്തവരെപ്പറ്റി).

83) കൈനനയാതെ മീൻപിടിക്കുക  കഷ്ടപ്പെടാതെ ലാഭമുണ്ടാക്കുക.

84) കൊക്കിനു വച്ചത് ചക്കിനു പറ്റി  ഒന്നിനുവേണ്ടി പ്രവർത്തിച്ചത് മറ്റൊന്നായി തീരുക.

85) ഗതികെട്ടാൽ പുലി പുല്ലും തിന്നും  ജീവിക്കാൻ വേണ്ടി എന്തും പ്രവർത്തിക്കുക.

86) ചത്തകുട്ടിയുടെ ജാതകം നോക്കുക  ആവശ്യമില്ലാത്ത പ്രവൃത്തി ചെയ്യുക.

87) ചുണ്ടങ്ങ കൊടുത്ത് വഴുതനങ്ങ വാങ്ങുക  ചെറിയകാര്യങ്ങൾ ചെയ്ത് വലിയ നഷ്ടമുണ്ടാക്കുക

88) ചേരയെത്തിന്നുന്ന നാട്ടിൽ ചെന്നാൽ നടുക്കണ്ടം തിന്നണം. സ്ഥലകാലമനുസരിച്ച് പ്രവർത്തിക്കണം.

89) ചൊട്ടയിലെ ശീലം ചുടലവരെ ചെറുപ്പത്തിലെ സ്വഭാവം മരിക്കുന്നതുവരെ.

90) ജാത്യാലുള്ളത് തുത്താൽ പോകുമോ  ജന്മനാലുള്ള സ്വഭാവം മാറുകയില്ല.

91) തത്തമ്മേ പൂച്ച പൂച്ച  മറ്റൊരാളെപ്പോലെ അനുകരിക്കുക. (മറ്റുള്ളവരുടെ ചൊല്പടിക്ക് ജീവിക്കുക)

92) തന്നത്താനറിയാഞ്ഞാൽ പിന്നത്താനറിയും സ്വന്തംനിലയനുസരിച്ച് പ്രവർത്തിക്കണം.

93) തലയിരിക്കുമ്പോൾ വാലാടരുത്. മുതിർന്നവരുടെ കാര്യം കുട്ടികൾ ചെയ്യരുത്. (ഉത്തരവാദപ്പെട്ടവരുടെ സ്ഥാനം മറ്റൊരാൾ ഏറ്റെടുക്കുക)

94) തലയ്ക്കുമീതെ വെള്ളം വന്നാൽ അതുക്കുമീതെ വള്ളം സന്ദർഭത്തിനനുസരിച്ചുയരണം.

95) താൻ പാതി ദൈവം പാതി പ്രയത്നത്തോടൊപ്പം പ്രാർത്ഥനയുംവേണം.

96) തീയിൽ കുരുത്തത് വെയിലത്തു വാടില്ല.  പ്രയാസത്തിൽ വളർന്നവർക്ക് കഷ്ടപ്പാട് പ്രശ്നമല്ലാതാകുക.

97) തേടിയ വള്ളി കാലിൽ ചുറ്റി  അന്വേഷിച്ചു നടന്നത് കണ്ടെത്തുക (അനുകൂലമായ സാഹചര്യം).

98) ദാനം കിട്ടിയ പശുവിന്റെ പല്ലെണ്ണുക വെറുതേ കിട്ടിയതിന്റെ കുറ്റങ്ങൾ നോക്കുക.

99) പയ്യെത്തിന്നാൽ പനയും തിന്നാം ക്ഷമയുണ്ടെങ്കിൽ ഏതുകാര്യവും നേടാം.

100) പഴഞ്ചൊല്ലിൽ പതിരില്ല പഴമക്കാർ പറയുന്നത് കാര്യങ്ങളാണ്.

101) മടിയൻ മല ചുമക്കും . ചിട്ടയായി ചെയ്യാത്തവൻ കഠിനാധ്വാനം ചെയ്യേണ്ടതായി വരും.

102) മിന്നുന്നതെല്ലാം പൊന്നല്ല. പുറംമോടികണ്ട് ഭ്രമിക്കരുത്.

Read also : 

1. Artha Vyathyasam in Malayalam Language
2. Nanartham in Malayalam Language
3. Make Sentences with Words in Malayalam Language
4. 20 + Hindi Slogan on Coronavirus (COVID-19)
5. പര്യായപദങ്ങൾ Synonyms in Malayalam Language
6. വിപരീത പദങ്ങൾ Malayalam Vipareetha Padham