हुंडा एक सामाजिक समस्या मराठी निबंध Hunda Ek Samajik Samasya Marathi Essay

Hunda Ek Samajik Samasya Marathi Essay  : Today, we are providing  हुंडा एक सामाजिक समस्या मराठी निबंध  For class 5, 6, 7, 8, 9, 10, 11 ...

Hunda Ek Samajik Samasya Marathi Essay : Today, we are providing हुंडा एक सामाजिक समस्या मराठी निबंध For class 5, 6, 7, 8, 9, 10, 11 & 12. Students can Use Hunda Ek Samajik Samasya Marathi Essay to complete their homework. 

हुंडा एक सामाजिक समस्या मराठी निबंध Hunda Ek Samajik Samasya Marathi Essay

'हुंड्यासाठी सुनेचा छळ, सासू, सासरे, नणंद, नवरा यांना अटक'

वृत्तपत्रांमध्ये अशा प्रकारच्या बातम्या आजही 'ब्रेकिंग न्यूज' ठरतात. यावर विश्वास बसत नाही; पण हे सत्य आहे. दूरदर्शनच्या माध्यमातून आमीर खानने आपल्या भारतातील एकेका समस्येवर चर्चा करत खया भारताचे धक्कादायक चित्र आपल्यासमोर उभे केले आहे.

Read also : प्रदूषणाचे दुष्परिणाम निबंध मराठी

सुशिक्षित, उच्चभ्रू, परदेशात वास्तव्य असणाऱ्या, श्रीमंत लालची कुटुंबातील व्यक्ती सुनेने माहेराहून पैसे, दागिने, फर्निचर, गाडी आणावी म्हणून तिचा शारीरिक, मानसिक छळ करतात. ही उदाहरणे पाहून आपण याच्या विरोधात काहीच करू शकत नाही का? असा प्रश्न आपल्याला सतावतो.

समाजसुधारकांनी आपल्याकडील अनेक वाईट प्रथा, रूढी बंद केल्या; पण वर्षानुवर्षे चालत आलेली 'हुंड्या'सारखी अनिष्ट प्रथा मात्र अजूनही चालूच आहे.

ज्यांना शक्य आहे ती श्रीमंत, पैसेवाली माणसे आपल्या श्रीमंतीचे प्रदर्शन करीत जावयाला गाडी, बंगला, सोने-नाणे घेऊन देतात; पण मरण होते गरिबाचे! जावयाचा हट्ट पुरवताना ते बिचारे कर्जबाजारी होतात.

मुलींना लग्नात द्याव्या लागणाऱ्या हुंड्याची जमवाजमव तिच्या जन्मापासूनच सुरू होते. स्त्रीभ्रूण हत्येचे हेही एक महत्त्वाचे कारण आहे.

Read also : कल्पना चावला माहिती मराठी निबंध

हुंडा ही समाजाला लागलेली एक कीड आहे. या अनिष्ट प्रथेविरुद्ध आता मुलींनीच लढले पाहिजे. १८व्या शतकात हुंडा घेणाऱ्या मुलाशी मी लग्नच करणार नाही, असं आपल्या सासरच्या मंडळींना आनंदीबाई शिर्केनी ठणकावून सांगितलं. आपल्या माजी राष्ट्रपती प्रतिभाताई पाटील यांनीही हुंडा न घेणाऱ्या मुलाशीच लग्न करण्याचा निर्णय घेतला होता.

मुलांप्रमाणे मुलीही उच्च शिक्षण घेतात. नोकरी करून पैसे मिळवितात. आपल्या संसाराला हातभार लावतात. मग त्यांच्या आईवडिलांकडून सासरची मंडळी का अपेक्षा करतात बरं?

Read also : किरण बेदी मराठी निबंध

'स्त्री'लाच आता ही अनिष्ट प्रथा बंद करण्यासाठी पुढचं पाऊल उचलावं लागेल, तरच ही प्रथा बंद होईल.